Mali i Zi është vendi i parë në rajon deri më tani që ka bërë me dije se është në fund të fazës së përballjes me koronavirusin dhe po përgatitet për tu kthyer në normalitet.
Kryeministri i Malit të Zi, Dushko Markoviç ka deklaruar se vendi i tij pritet që ti kthehet normalitetit me 18 maj.
Në një deklaratë për mediat vendase, Markoviç është shprehur se qeveria po përgatit vetëm një paketë serioze për industrinë e turizmit me bankat dhe Fondin e Investimeve dhe Zhvillimit, për të cilin ai tha se do të synojë të ruajë investimet në turizëm duke siguruar likuiditetin e ekonomisë së turizmit, në mënyrë që të jetë gati për të filluar sezonin.
Ndërkohë deri më tani në Malin e Zi janë konfirmuar 321 persona me koronavirus, dhe 7 të tjera kanë humbur jetën.
