Mali i Zi për shkak të rritjes së numrit të lartë të rasteve të reja me Covid ka kufizuar lëvizjen e qytetarëve dhe ka shtuar masat në pikat kufitare.
Së fundmi fundmi në kuadër të masave të shtuara drejtoria e migracionit në Shkodër dhe policia kufitare në hanin e Hotit dhe Murriqan kanë bërë me dije masat kufizuese që duhet të respektohen nga çdo qytetar që kërkon të futet në Malin e Zi.
“Njoftojmë të gjithë qytetarët që duan të udhëtojnë në drejtim të Malit të Zi, se duke pasur përgjigjen e tamponit të tyre, mund të lëvizin normalisht drejt vendit fqinjë. Ky rregull do të jetë i vlefshëm për javët në vijim, deri në një urdhër të dytë, nga e hëna në të premte ora 22:00. Duke ju falenderuar për mirëkuptimin”, thuhet në njoftimin e shpërndarë për mediat.
