Nga Ahmet Zani
Më shumë se dy javë të izoluar, janë banorë të katër fshatrave nga malësia e Krujës që kanë dalë në protestë, por nuk kanë se çfarë rruge të bllokojnë, por ajo që kërkojnë ata është dalja nga izolimi dy javor. Reshjet e furishme nuk i shpëtuan dhe këta banorë të zonës së malësisë në Krujë, dhe ajo çka i ka shqetësuar është shëmbja e thuajse gjithë rrugës, duke izoluar tërë zonën. Janë këta banorë që të shprehen dhe për të tjera vështirësi nga kjo zonë duke e nisur nga mungesa e dorës së shtetit, që nga shkollat e rrënuara, mungesa e mjekut, e qendrave shëndetësore, problemet me energjinë elektrike, dhe një sërë problemesh jetësore.
Ish- kreu i komunës Xhevahir Bilja tregon projektet në ndërtimin e rrugës, por që nuk ju lëvrua asnjë fond, madje sipas tij dhe ajo pjesë e rrugës e mbetur tashmë është degraduar, duke lënë të izoluar disa fshatra, dhe sikur të mos mjaftonte, kjo situatë e tillë, rastet e shfaqura nga emergjencat nga personat e sëmurë, banorët kanë përdorur barrela apo dhe kafshë në transportimin e tyre.
Banorëve të zonës mallokojnë vehten e tyre nga kushtet ku janë katandisur dhe nuk kujtohet askushi për ta, ndonëse dhe shprehen se kanë kontribuar për një mandat tjetër për këtë qeverisje, duke humnur çdo shprese. Veli Bilja një i moshuar tregon tregon për masat e marra për të transportuar nënën e tij 90 vjeçare me helikopter në ndonjë rast që mund t’i shfaqet asaj, sikurse disa të tjerë kanë larguar të moshuarit dhe disa fëmijë. Nxënësit e shkollave, frekuentojnë periodikisht proçesin mësimor, ndërsa furnizimet për njerëzit dhe bagëtitë transporti bëhet me kafshë, nga udhëtimi disa orësh. Zonat kanë një diferencë me metropolin rreth 15 deri në 20 km, rrugë e cila përshkohet nga ujmbledhësi i Bovillës, institucion mjaft i rëndësishëm, aty ku dhe furnizohet me ujin e pijshëm tërë kryeqyteti.
Ndonëse ende dimri i acartë nuk ka trokitur, këtu disa zona izolohen nga dëbora, tashmë këta janë të izoluar nga shkatërrimi i rrugës, dhe banorët presin dhe presin, dhe askushi nuk kujdeset për ta. Janë katër fshatra me 1300 banorë dhe jo pak që vuajnë këtë maskaradë nga verbëria e institucioneve. Banorët të cilët gradualisht po bragtisin magjinë e mrekullueshme të zonës turistike, që ja ka falur natyra.
