Një fëmijë 2 vjeçar ka humbur jetën ditën e djeshme në fshatin Gril të Malësisë së Madhe si pasojë e rrëzimit në një gropë të ujërave të zeza.
Mësohet se gropa e ujërave të zeza ndodhej në afërsi të banesës së tij, ndërsa trupi është gjetur nga familjarët të cilët e kanë transportuar menjëherë për në spitalin Rajonal të Shkodrës. Pavarësisht përpjekjes së mjekëve 2-vjeçari me inicialet D.M, nuk ka mundur t’ia dalë.
Në vendngjarje ka mbërritur grupi hetimor që po vijon punën për sqarimin e plotë të rrethanave të ngjarjes.
