Ish-ministri i Financave, Arben Malaj ka dhënë disa komente nga qyteti i Korçës, që nga kritpomonedha deri te borxhi që qeveria do të marrë për OSHEE, për parandalimin e krizës energjetike.
“Besoj se është një risk shumë i lart e se duhet të bëjnë shumë kujdes. Këshilla ime për studentët, është mirë që të dëgjojnë qëndrimet pro dhe kundra në mënyrë profesionale, por nqs duan ta provojnë, por jo me leket e mamit e të babit,” ka thënë ai për gazetarët.
Malaj ka shtuar më tej se jemi i vetmi vend që ministrat e Financave në mënyrë periodike gëzojnë vetëm kur marrin borxhe.
“Jemi i vetmi vend që ministrat e Financave në mënyrë periodike gëzojnë vetëm kur marrin borxhe, jo vetëm tani. Krizat kanë treguar që rritja e borxhit tek individët, tek familja, tek biznesi e tek shteti është rritje që prodhon krizë. Njerëzit me konservatorë, për marrjen e borxheve, për përgjegjësinë e marrjes së borxheve duhet të jenë ministrat e financës. Euforia e tyre dhe kënaqësia e tyre për rritjen e borxheve është gropë e zezë dhe barrë e rëndë për xhepat shqiptare”,-deklaroi Malaj.
