Automjeti i djegur gjatë protestës para Kuvendit, tip FIAT, mbante targën AA 703 HT. Burime për “BalkanWeb” thanë se, targat që mbante kjo makinë, i përkasin një mjeti tip Volkswagen Caddy e regjistruar në Sukth të Durrësit. Po sipas të njëjtave burime, makina në fjalë mund të jetë në përdorim nga punonjës të operacionales ose të SHIK.
Ndërkohë në një deklaratë për mediat, Partia Demokratike deklaroi që nuk janë protestuesit ata që i kanë vunë flakën makinës tek Parlamenti.
“Ajo ishte e vetmja makinë e lënë në zonën e zbrazur nga çdo automjet tjetër përveç atyre të policisë dhe të medias. Kjo do të thotë se makina është lënë nga vetë policia, që ta digjnin vetë dhe të akuzonin protestuesit për zjarrvënie.” thuhet në reagimin e PD.
