Një aksident me pasojë tre persona të plagosur është regjistruar ditën e sotme në kryeqytet.
Ngjarja ka ndodhur në autostradën Tiranë-Vorë, ku automjeti me drejtues shtetasin D.K., ka dalë jashtë rruge dhe për pasojë janë dëmtuar 3 pasagjerët që udhëtonin me të.
Menjëherë pas aksidentit të lënduarit janë dërguar me urgjencë në spital për të marrë ndihmën e nevojshme mjekësore, ku raportohet se ndodhen jashtë rrezikut për jetën.
Policia e cila ka shkuar në vendin e ngjarjes ka bërë të mundur shoqërimin e drejtuesit të mjetit në komisariat ku pritet të merret në pyetje.
