Një aksident ka ndodhur paraditen e sotme në aksin Fier-Ballsh, ku një automjet ka dalë nga rruga dhe ka rënë nga një lartësi e madhe duke përfunduar në lumin Gjanica.
Automjeti ka qëndruar për rreth një orë në lumë, ndërkohë që shoferi ka humbur jetën. Mësohet se terreni në këtë zonë është i vështirë dhe nuk mund të shkojnë automjetet dhe efektivët e policisë kanë shkuar në këmbë. Bëhet fjalë për një zonë ku terreni mbi lumin Gjanica merr formën e kanioneve.
Policia po punon për të nxjerrë makinën nga lumi, pasi për shkak të reshjeve, Gjanica ka prurje të mëdha dhe nga momenti në moment mjeti mund të tërhiqet nga rryma.
