Kryebashkiakja e Roskovecit, Majlinda Bufi, duket se po i thërret sërish SPAK-ut. Bufi është një ndër emrat më të përfolur në dosjet e SPAK, shumë herë ka shpëtuar por sërish nuk zë mend. Këtë herë ajo ka marrë dy flamuj të kuq, që janë një kambanë e fortë alarmi për institucionet përgjegjëse që të reagojnë.
Bufi i ka rënë në kokë që bëjë riparime të dy shatërvanëve në qytet. Për këtë ajo ka zhvilluar tenderin me objekt “Riparime në memorialin dhe 2 shatërvanët e qytetit” me fond limti 17 milionë lekë.
Në fakt bëhet fjalë për dy bordura betoni, ku nxjerrin e ujë, që Bufi i quan shatërvanë.
Për të bërë riparim të këtyre dy bordurave do të hidhen aq shumë lekë që iu merren qytetarëve.
Por, dokumentet na tregojnë që në fakt këto para do të shpërdorohen nga Bufi sipas dëshirës së saj. Shohim se vetëm kompania ” AR & ED” SHPK ka dorëzuar ofertë, nuk ka patur interes nga ndonjë kompani tjetër ose afati për vetëm 6 ditë ka qenë i pa mjaftueshëm që operatorë të tjerë të merrni pjesë në garë.
Gjithsesi, në këto kushte procedura duhej të ishte anuluar sepse nuk ka garë me një konkurrent. Epo Bufi nuk kishte në plan të merrej me procedurat që kërkon një garë e rregullt, por kishte plane të tjera.
Ajo ka shpallur menjëherë fituese kompaninë ” AR & ED” SHPK, në pronësi të Edurd Buzit. ‘
Pra nuk ka patur garë, as procedura për verifikime dokumentesh, pasi gjithçka ishte negociuar më parë.
Prandaj Open Data Albania i ka vendosur dy flamuj të kuq, një për mungesë konkurrence çka tregon se është shkelur rregulli kryesore dhe tjetri për procedurë me negocim, sërish shkelje ligji. Fakt të cilin e ka ngritur si problematik para dy vitesh kryeministri Rama, por kemi vënë re që vartësitë e tij të bashkive nuk e dëgjojnë!
