Prokurori i Antimafies në Itali Nicola Gratteri ka dhënë sërish alarmin për përshpejtim të veprimtarisë kriminale të mafies shqiptare në territorin italian.
Në një intervistë për median italiane “La Sampa”, Gratteri tha se mafia shqiptare ka shtuar bashkëpunimin me mafian kalabreze “La Ndrangheta”.
“Ndragheta po vepron gjithnjë e më shumë në veprimtarinë e trafikut të drogës. Ata e kanë kaq të lehtë të gjejnë klientë. Klientët në tërësi janë më shumë të rinjtë konsumues të lëndëve narkotike. Të interesuar për drogë janë më shumë studentët, por konsumohet drogë edhe në festa. Droga që ata përhapin më shumë është kokaina. Madje, Ndragheta e ka kthyer kokainën në monopol.
Mafia shqiptare po njeh rritje të pandalshme. Organizatat mafioze të shqiptarëve po dëgjohen përditë dhe nuk ka vetëm në Itali. Shqiptarët kanë ngritur rrjete të trafikut të drogës dhe në vende që dikur për ta nuk imagjinoheshin si në Holandë dhe shtete të Amerikës Latine. Sipas prokurorit, shqiptarët shpesh shërbejnë si ndërmjetës për drogën nga Amerika Latine për në Itali.
Heroina është një risi e madhe në skenarin ndërkombëtar të trafikut të drogës. Meksikanët po injektojnë sasi masive të heroinës në SH.B.A. Po përmbytin tregun. 90% e heroinës së konsumuar në Amerikë vjen nga Meksika. Rruga e Afganistanit tani ka një treg sidomos në Evropë. Karteli Sinaloa po investon një kapital të madh në kultivimin e lulekuqeve. Nga ana tjetër ka një ulje të fondeve të akorduara nga SH.B.A. në luftën kundër prodhimit të kokainës në Kolumbi, Bolivi dhe Peru ”, tha Gratteri.
