Një publikim i specializuar ndërkombëtar, ka zbuluar përmes një materiali të redaktuar së fundmi, se çfarë pasurie ka në të vërtetë Cristiano Ronaldo. Interesant është fakti se një pjesë e mirë e shumës, u grumbullua në muajt e fundit në Arabinë Saudite, ku ylli portugez luajti për Al Nassr.
Cristiano Ronaldo mund të gëzojë ende të qenit futbollisti më i paguar në planet. Ylli portugez befasoi botën në janar 2023, kur la futbollin elitar europian dhe zgjodhi të transferohej te Al Nassr i Arabisë Saudite. Megjithatë, kontrata që i ofruan arabët ishte e parezistueshme: 200 milionë euro në vit!
Shuma është kolosale. Celebrity Net Worth zbuloi se para transferimit të tij te Al Nassr, portugezi kishte një vlerë neto prej 500 milionë euro. Por duke pasur parasysh pagën e tij në Arabinë Saudite, Ronaldo do ta mbyllë vitin 2023 me një shumë të rritur ndjeshëm.
Asetet e CR7, duke përfshirë shtëpitë, makinat luksoze e të tjera, janë rritur me gati 50% dhe ai do të përfundojë me një pasuri prej 700 mijë eurosh, thekson burimi i përmendur, cituar nga “Diario Gol”.
“Duke parë nga e ardhmja, portugezi ka siguruar jetën e tij, të fëmijëve, si dhe të nipërve të tij”, vëren media portugeze. Gjithsesi, Cristiano Ronaldo ka ende një kontratë me Al Nassr deri më 30 qershor 2025, kështu që ai do të ketë ende kohë për të mbledhur pasurinë e tij.
The post “Lundron” në para, ja pasuria reale e CR7 dhe sa u rrit pas kalimit në Arabi appeared first on 27.
