Kreu i opozitës: Respektoj z.Majko për kontributin e tij ndër vite dhe shpresoj që komunikimi politik normal mos të përbëjë lajm në Shqipëri
Kryetari i Opozitës Lulzim Basha pati sot një takim me deputetin e Partisë Socialiste Pandeli Majko. N♪7 takim është diskutuar për Asamblesë së NATOs që do të mbahet në Tiranë më 27 maj.
Është domethënës ky takim mes kreut të opozitës dhe deputetit të PS-së Pandeli Majko, pasi ky i fundit është më shumë se sa një deputet në PS, pasi ka mbajtur poste të larta drejtuese në këtë parti dhe ka mbajtur dy herë postin e kryministrit të qeverisë socilaiste.
Pas takimit, kryetari i PD-së Lulzim Basha tha se takimi me Pandeli Majkon u zhvillua në kuadër të Asamblesë së NATOs që do të mbahet në Tiranë. Basha vlerësoi kontributin e Pandeli Majkos, si figurë politike që është kundër tensioneve dhe pro konsensusit.
“Respektoj z.Majko për kontributin e tij ndër vite dhe shpresoj që komunikimi politik normal mos të përbëjë lajm në Shqipëri. Tema kryesore e diskutimit ishte Asamblea e NATO”, tha kryedemokrati Basha pas takimit.
