Rikthimi i Luana Vjollcës në “Thuaje” me rrëfimin e historive personale pavarësisht bullizmit ka qenë domethënës për disa fansa të saj. E ulur në një karrige, pa shumë grim dhe “xixa” Luana Vjollca rrëfeu histori të jetës së saj personale, momente nga jeta që e bënë Luanën që është sot.
Moderatorja ka publikuar një mesazh të një fanse e cila zbuloi se mesazhi i saj i ka shpëtuar jetën.
“Nuk e di a do e lexosh këtë mesazh, mirëpo me këtë që bërë ti sot ke shpëtuar një person që ka qenë në momentin më kritik të jetës së saj nga ana e shëndetit mendor, shkak i bullizmit dhe fjalëve të tepërta të njerëzve. Faleminderit dhe të dua”-shkruan në mesazh fansja.
Moderatorja duke publikuar një foto tha se ndihet e lumtur që ka arritur të jetë zëri i shumë personave sadopak.
“Ne keto 5 dite pas publikimit te episodit dhe këngës se pare te projektit, jam munduar te lexoj miliona mesazhet qe kam marr nga ju… JENI FRYMEZIMI IM.
Me e lumtura qe kam arritur te jem zëri i juaj sadopak!!! Nuk e bej dot ndryshimin vetem, duhet te jemi gjithe bashke, Faleminderit qe jeni bashkuar me mua”, shkruan Luana.
