Akuzave të kryeministrit Edi Rama, se Hipoteka kishte penguar dhënien e dokumentit të pronësisë për 3 mijë familje në Vorë, mori përgjigjen e Luan Ramës nga zyrat e LSI-së, i cili e sfidoi kryeministrin duke ftuar qytetarët që të shkojnë tek Hipoteka dhe të marrin leje meqë tani drejtohet nga dikush tjetër.
“ Kryetari i Rilindjes u shfaq prapë sot në Vorë njësoj si personazhet e Konicës tek “Katër Përralla nga Zululandi”, jam i detyruar të nënvizoj përpara jush se ku qëndron gënjeshtra dhe spekulimi i kryetarit të Rilindjes.
Me shumë hipokrizi dhe në mashtrim të plotë, kryetari i Rilindjes tha sot se në gjithë Bashkinë e Vorës janë 3 mijë familje që nuk kanë marrë tapitë, duke thënë se është çështje e tepsisë.
Më lejoni të bëj të ditur faktin që Hipotekën në Qarkun e Tiranës, Hipotekën në Durrës, Vlorë, Elbasan dhe 80 përqind e kanë njerëzit e emëruar prej tij. Unë i ftoj të tre mijë familjet e Vorës që të paraqiten nesër pranë Hipotekës së Tiranës për të marrë aktet e pronësisë meqenëse tani zotëria në fjalë ka gjithë pjesën e tepsisë.
25 qershori është dita kur qytetarët do të ndëshkojnë këtë klloun të mashtrimit”- tha ndër të tjera Luan Rama.
