Kryetari i LSI, Luan Rama deklaroi se ka ende kohë që palët të arrijnë një marrëveshje për të kapërcyer ngërçin politik ku është futur vendi.
I ftuar në studion e Report Tv, Rama tha se zgjedhjet duhet të zhvillohen me opozitën, pasi zgjedhjet pa opozitën do krijojnë probleme me legjitimitetin e institucioneve, klimën politike dhe integrimin e vendit në Bashkimin Eruopian.
“Të dy krahët edhe PS edhe PD kanë pasur kohën e nevojshme për mos lejuar që të mbërrijë deri këtu konflikti, për të shfrytëzuar dialogun për të evituar çadrën dhe bojkotin e Kuvendit. Ajo që duhej bërë, por që prapë jemi në kohë, është reflektimi duke i thirrur vetëdijes për të vënë interesat e vendit mbi ato partiake për të lëshuar respektivisht nga pozitat inekstremis ku gjenden për të gjetur një zgjidhje. Vazhdojmë që të insistojmë që opozita të marrë pjesë në zgjedhje për të marrë vlerësimin e cdo votuesi. Ka ende kohë për të reflektuar, pasi zgjedhjet pa opozitën do krijojnë probleme me legjitimitetin e institucioneve, klimën politike dhe integrimin. Ne duhet të bëjmë përpjekjet që opozita të marrë pjesë në zgjedhje.
Luan Rama vlerësoi paketën që iu ofrua opozitës, ndërsa theksoi se PD gaboi dhe humbi një shans që nuk e pranoi duke mos e vlerësuar realisht.
