Ambasadori i SHBA Donald Lu, u përpoq t’i tregoje të rinjve gjatë një konkursi për këtë histori se politika shqiptare mund t’i referohet për të gjetur shembuj suksesi.
Dhe duket se sot kur Shqipëria siç tha ambasadori për përjeton ndryshime të jashtëzakonshme, ka një fazë ku palët duhet te ndalen dhe të bashkëpunojnë dhe ajo është reforma në drejtësi.
Lu: Në Shqipëri po ndodhin ndryshime të rëndësishme. Kohët e fundit pata një bisedë me një mik timin shqiptar. Ai është një prej atyre që punojnë për reformën në drejtësi, duke shkruar ndryshimet kushtetuese, të cilat shpresojmë se do të ndryshojnë vendin. Pyetja ime për të ishte: Shpresoj që po mban shënime.
Shpresoj qe do te ndihmosh te shkruhet historia e njerëzve te zote qe sakrifikuan çdo ditë, për muaj dhe vite per reformën, për të ndryshuar ketë vend. Ashtu si Hamilton në SHBA edhe ata po punojnë nën presionin e kolegeve të tyre dhe politikanëve të fuqishme për të shkruar Kushtetutën e këtij vendi, e cila do te zgjasë për shekuj.
Në përpjekje për të nxitur një udhë dialogu për reformën drejtësi për të cilën, ambasadori amerikan është investuar aq shume, ai i takua edhe me kryetarin e kuvendit Ilir Meta pak pas mesdite, në një kohe kur 33 deputetët të shumicës kanë shfrytëzuar mekanizimin kushtetues të një kërkese që mban firmat e tyre për të përfshirë në procedure parlamentare paketën e ndryshimeve kushtetuese, kundër vullnetit të opozitës e cila pret që shumica të tërhiqet nga formulimi i nenit 88 që siç thotë ajo shkon ne kundërshtim me rekomandimet e Venecias dhe cenon pavarësinë e sistemit.
