“Votuesit shqiptarë kanë nevojë të marrin përgjegjësinë për të mos pranuar para për votën e tyre dhe për të mos votuar kriminelë”
“Më 21 qershor, pamë grupe gangsterësh të rinj në moshë, jashtë qendrave të votimit që dukshëm donin të frikësonin votuesit”. Kjo është dejklarata e drejtpërdrejtë e ambasadorit ameikan në Tiranë Donal LU, në tryezën për reformën zgjedhore, organizuar nga Koalicioni i Vëzhguesve Vendorë. Kjo është pjesë e kesperincës së tij në ditëne zgjehdjeve vendore ku ambasadori tha se në qendrat e votimit kishte takuar njerëz të thjeshtë të devotshëm për të kryer një proces zgjedhor transparent, ndërsa jashtë kishte parë gangsterë që dukshëm donin të frikësonin votuesit.
Donald Lu ishte i qartë në mesazhin që përcolli për krerët e partive, por dhe për qytetarët kur tha se kanë nevojë të marrin përgjegjësinë për të mos pranuar para për votën e tyre dhe për të mos votuar kriminelë.
“ Kur vizitova qendrat e votimit në Shqipëri gjatë zgjedhjeve vendore të verës së shkuar pashë më së shumti të njëjtën gjë: Persona që punonin shumë sikurse nëna ime, të përkushtuar ta bënin punën sa më mirë të mundnin. Punonjësit me të cilët u takova ishin njerëz të zakonshëm,ndaj unë u inatosa kur pashë militantët e partive që kërkonin të minonin punën e këtyre vullnetarëve të ndershëm në qendrat e votimit.
Disa ambasadorë të BE dhe unë, pamë grupe të mëdhenj gangsterësh të rinj në moshë jashtë qendrave të votimit që dukshëm donin të frikësonin votuesit. Shumë njerëz na dhanë prova të blerjes së votës dhe votimit në grup. Dhe sikurse e dimë disa prej kandidatëve kishin të shkuar të turpshme kriminale. Abuzimet zgjedhore janë një tratativë ndaj demokracisë shqiptare. Këto çështje zgjedhore u vërejtën në vlerësimin e zgjedhjeve të ODIHR i cili gjithashtu lavdëroi punën e mijëra punonjësve në qendrat e votimit që punuan me nder ditën e votimit.
SHBA mbështesin fuqimisht reformën e mbështetur në rekomandimet e ODIHR. I bëjmë thirrje Kuvendit ti zbatojë ato këtë vit. Por për të arritur një reformë të vërtetë duhet të bëhet dhe më shumë”, tha ambasadori amerikan. Ai foli edhe për dekrminalizimin duke vlerësuar miratimine ligjit për këtë çështje dhe rëndësiën e zbatimti të tij. “Votuesit shqiptarë kanë nevojë të marrin përgjegjësinë për të mos pranuar para për votën e tyre dhe për të mos votuar kriminelë”, tha ambasadori amerikan Donald Lu.
