Ministri i Drejtësisë, Manjani: Politika të mos fshihet pas ekspertëve, nuk jemi republika e ekspertëve, por republika e Shqipërisë
Lëvizja Socialiste për Integrim është e vendosur të investohet për një reformë në drejtësi bazuar në konsensusin politik. Ministri i drejtësisë Ylli Manjani, tha pas takimit me kreun e LSI-së Ilir Meta, se kërkohet konsensus për këtë reformë. Nuk jemi republikë ekspertësh është shprehur ai kur ka theksuar dosmosdoshmërinë e marrëveshjes mazhorancë-opozitë për reformën në drejtësi.
“Kjo nuk është republika e ekspertëve, por është republika e Shqipërisë. Ajo që rekomandon Komisioni i Venecias është fare e qartë. Konsensus politik për të ndërtuar një reformë gjithëpërfshirëse, për të ndërtuar një Kushtetutë minimaliste, për të ndërtuar një Kushtetutë të thjeshtuar. Kjo është ajo që thotë Komsioni i Venecias dhe për këtë mendoj se është momenti për të çelur dialogun politik. Nuk është më çështjesh ekspertësh besoj unë”, tha Manjani.
