Kryetari i grupit parlamentar Petrit Vasili: Duhet reagim i menjëhershëm për tri probleme që nuk presin
Rreth dy javë më parë, kryetari I grupit parlamentar të LSI, Petrit Vasili i kërkoi kryeministrit, Edi Rama dhe ministrit të Financave, Arben Ahmetaj, zgjidhje për disa probleme me të cilat përballet sektori i bujqësisë. Përmes një letre drejtuar kryeministrit e ministrit të finanacve, LSI kërkonte një plan masash ku lehtësohen procedurat doganore për sektorin e bujqësisë duke i cilësuar procedurat aktuale si pengesë për këtë sektor. Por LSI nuk ka marrë asnjë përgjigje për letrën e dtrejtuar. Këtë të martë, kreu i deputetëve të LSI-së ka shkruar sërish letër kryeministrit dhe ministrit të financave ku thekson se as nuk ka marrë përgjigje as nuk është ndërmarrë ndonjë veprim konkret dhe e konsideron këtë fakt politikisht dhe etikisht, jokorret.
Duke u ndalur tek tre probleme themelore, Vasili thotë se moszgjidhja e tyre shkakton dëm shumë të madh në të ardhurat që mijëra familje presin e që lidhen me mbajtjen në këmbë të familjeve të tyre.
Vasili kërkon të merren masa lidhur me qëndirmin e njëanshëm e penalizues të doganës maqëdonase ndaj prodhimeve bujqësore shqiptare. Problemi i dytë Shqipëria nuk parasheh me ligj pagesa Cash në dorë për shit-blerjet e prodhimeve bujqësore e blegtorale duke penalizuar fermerët
Dhe problemi i tretë është shërbimi doganor , që mbyllet në orën 20:00 duke kërkuar linjë të dedikuar doganore për kamionët me prodhime bujqësore. Vasili e mbyll letrën e tij duke kërkuar reagim të menjëhershëm, pasi situata nuk pret, për ti dhënë kështu një shtysë pozitive ekonomisë kombëtare por edhe asaj familjare të cdo fermeri.
