Deputetja Lëvizjes socialiste për Integrim, Floida Kërpaçi, ka dalë në një konferencë shtypi, ku ka pralajmëruar të gjithë drejtorët e gjimnazeve në vend, që nëse do të tentojnë të shantazhojnë apo tu bëjnë presion gjimnazistëve për të mos dalë në protestë, do të përballen me drejtësinë.
Teksa u ndal tek rasti i drejtoreshës së gjimnazit “Sami Frashëri”, Kërpaçi u shpreh: “Teuta Domi, hiq dorë nga presioni i ushtruar ndaj gjimnazitëve të shkollës “Sami Frashëri”. Presioni psikologjik do të shoqërohet me padi ndaj teje dhe do të vazhdojë me çdo drejtoreshë, që kërcënon të rinjtë”.
Më tej ajo pralajmëroi për video të tjera ku drejtoreshat kërcënojnë gjimnazistët.
Kërpaçi u bëri thirrje të dalin e të mbështesin të rinjtë e jo t’i intimidojnë apo përçajnë, pasi të rinjtë e bashkuar kanë për të fituar.
