Nga Kim Mehmeti
Ata që botojnë lista të rrejshme të të “shiturve” te greku, kryesisht janë o gazetarë që duan ta mbulojnë vetveten e të na çojnë të gjithëve të dyshojmë te njëri tjetri, o pushtetarë që bëjnë çmos që të mos shihet se e keqja jonë nuk vjen gjithaq nga gazetarët dhe intelektualët e paguar nga të huajt, por nga pushtetarët tanë që i paguajmë ne, por punojnë për të huajt!
Andaj mos e harroni kurrë batutën për babën i cili, kur i biri e pyet se ç’punë bëjnë dhe çka shesin politikanët shqiptarë, të cilët aq shpejtë dhe aq shumë pasurohen, ai i përgjigjet: “Ata bir e shesin më të shtrenjtën dhe më të vlefshmen që kemi – atdheun dhe interesat e popullit!”, i cili baba është dashur t’i sqarojë të birit se, nuk duhet pasur zili pasanikët e tillë, ngaqë ata, përjetë do i shoqërojë mallkimin më i rëndë: ai i popullit dhe i lotëve të varfanjakëve!”
