Një deklaratë të ngjashme, Prokurori i Përgjithshëm, e ka bërë edhe pak muaj më parë kur tha se prokuroria kishte në dorë disa çështje hetimore të cilat t’i ndryshonin Shqipërisë të ardhemn e saj evropiane. Por ende ska asnjë rezultat
Adritaik Llalla është kthyer me deklarata të rëndësishme sa i përket hetimit të zyrtarëve të lartë për korrupsion. Nga Korca ai tha se prokuroria ka në hetim disa zyrtarë të lartë të akuzuar për korrupsion. Nuk është hera e parë që prokurori i Përgjithshëm, Adriatik Llalla, flet për hetime ndaj zyrtarëve të lartë. Pak muaj më parë ai tha se prokuroria kishte në dorë disa çështje hetimore të cilat, sipas tij, do t’i ndryshonin Shqipërisë të ardhmen e saj evropiane. Por në fakt nuk ndodhi asgjë.
Kësaj here Llalla deklaron: “Është e domosdoshme referimi i rasteve të zyrtarëve të nivelit të lartë, jo vetëm nga policia po nga të gjithë institucionet e tjera ligjzbatuese në vend. Pa diskutim që Prokuroria ka filluar hetimet e saj për disa zyrtarë të lartë që janë në proces hetimi”, the kreu I prokurisë shqiptare.
