Riorganizimi i organit të akuzës do të realizohet në disa faza në javët në vijim
Riformatim pritet të ketë edhe në Prokurorinë e Përgjithshme. Kështu ka deklaruar kryeprokurori Adriatik Llalla, vetëm një ditë pasi katër krerë prokurorish në rrethe dhanë dorëheqjen. Sipas kryeprokurorit ndryshimet në disa nivele të prokurorisë vijnë si nevojë për përmirësim të rezultateve. Llalla është shprehur: “Gjithashtu, riformatim pritet te kete edhe ne Prokurorine e Pergjithshme. Riorganizimi do te realizohet ne disa faza, ku fillimisht po shqyrtohen mundesite ne ato njesi te Prokurorise, ne te cilat vleresohet se ka nevoje per nderhyrje ne nje kohe sa me te shpejte.
Prokuroria e Pergjithshme, pas analizave vjetore te zhvilluara ne fillim te vitit 2016, ka krijuar nje pamje te qarte mbi problematikat e aktivitetit. Ne perfundim, eshte vleresuar si domosdoshmeri rifreskimi i nje pjese te struktures se Prokurorise, proces i cili pritet te realizohet periodikisht ne ditet dhe javet e ardhshme”. Një ditë më parë, krerët e prokurorisë së Tropojës, Dibrës, Përmetit dhe Lezhës dhanë menjëherë dorëheqjen nga postet e tyre.
