Prokurori i Përgjithshëm kërkoi nga vartësit e tij të zbardhin me urgjencë ngjarjet e fundit kriminale të ndodhura javët e fundit në këtë qytet
Kryeprokurori, Adriatik Llalla, kërkoi nga prokuroria e Durrësit të zbardhen sa më shpejt ngjarjet e fundit kriminale që kanë ndodhur në këtë qytet. Është fjala për rrëmbimin dhe vrasjen e shtetasit, Gazmend Çollakut pak ditë më parë në Durrës si dhe vrasja e dy të rinjve Ervin Kodra dhe Endri Çaushaj, në hyrje të këtij qyteti më 20 dhjetor 2015.
Llalla tha se krimet e rënda që kanë ndodhur në këtë qytet kohët e fundit, janë ngjarje po i bëjnë karshillëk shtetit e institucioneve ligjzbatuese duke theksuar se ato kanë lidhje me trafikune drogës.
“Këto ngjarje po i bëjnë karshillëk shtetit e institucioneve ligjzbatuese. Të mos i lejojmë këto grupe kriminale të dalin mbi ligjin por të vëmë një sahat e më parë para drejtësisë autorët dhe personat që kanë prirje kriminale. Duhet të zbardhim këto ngjarje që të kthehet normaliteti dhe besimi tek institucionet i qytetarëve shqiptarë’, tha Llalla
