Ambasadori amerikan Donald Lu është takuar edhe me kryeministrin Edi Rama
Pas deklaratës me akuza të rënda ndaj ambasadorit amerikan në Shqipëri, Donald Lu, prokurori i përgjithshëm Adriatik Llala u takua me presidentin Bujar Nishani. Ndërkohë, ambasadori Donald Lu, ka shkuar në kryeministri, për t’u takuar me kryeministrin Edi Rama dhe më pas me ministrin e Brendshëm, Saimir Tahiri.
Llalla ka informuar përmes një letre presidentin Nishani dhe kryetarin e Kuvendit Ilir Meta, për ato, që ai i cilëson si shantazhe të ambasadorit amerikan ndaj Prokurorisë së Përgjithshme. Në letër pasqyrohen komunikimet formale dhe informale të pretenduara nga kryeprokurori, ku evidentohet sipas tij, shantazhi i ambasadorit amerikan ndaj Prokurorisë, duke ndërhyrë në hetime për çështje të caktuara. Llalla përmendi hetime për çështej specifike, siç është hetimi ndaj kompanisë Bankers Petrolium, për të cilin kryeprokurori pretendon se ambasadori amerikan i ka kërkuar që të ndalë hetimin, nisur nga interesa personale.
