Liz Truss do të marrë sot zyrtarisht postin e kryeministres së Mbretërisë së Bashkuar, ndërsa Boris Johnson pritet të mbajë një fjalim lamtumire përpara qytetarëve britanikë.
Sipas protokollit, Truss dhe Johnson do të të shkojnë më pas në Balmoral në Aberdeenshire, ku Johnson do t’i japë dorëheqjen mbretëreshës Elizabet, ndërsa Truss do të emërohet kryeministre e vendit në një ceremoni zyrtare nga mbretëresha e Britanisë.
Pas ceremonisë në pallatin mbretëror, Truss do të emërojë kabinetin e saj qeveritar. Trus fitoi bindshëm me 81,326 vota. Ndërsa kundërshtari i saj mori në total 60,399 vota. Truss po trashëgon një ekonomi në rënie, me inflacion në nivelin më të lartë të 40 viteve.
Para fitores, Truss kishte deklaruar se nëse do të zgjidhej në krye të qeverisë do të ndihmonte qytetarët të përballeshin me rritjen e çmimeve të faturat e energjisë. Ish-ministrja e jashtme po ashtu u zotua se do të ulë taksat në mënyrë që qytetarët të kenë me pak detyrime ndaj shtetit për të paguar.
