Ambasadori Luigi Soreca ka reaguar mbrëmjen e sotme për listat e kandidatëve, duke u shprehur se tashmë listat duhet t’i verifikojë KQZ.
Soreca shkruan gjithashtu se partitë politike tashmë i kanë prezantuar listat e kandidatëve dhe KQZ-ja në bashkëpunim me Prokurorinë e Përgjithshme duhet të sigurohen që të plotësohen ligji i dekriminalizimit dhe standardet e integritetit.
“Partitë politike tani kanë prezantuar listat e tyre për zgjedhjet 25/4. Tani është në dorën e KQZ-së, e cila në konsultim me zyrën e Prokurorisë së Përgjithshme, duhet të verifikojë kandidatët. Ligji i dekriminalizimit duhet të zbatohet plotësisht dhe standardet e larta të integritetit për të gjithë kandidatët duhet të plotësohen,” shkruan Soreca.
