Lirohet nga burgimi i përjetshëm/ Ja kush do gjykojë çështjen e Endrit Dokles

Gjyqtari Genti Shala do të gjykojë çështjen e Endrit Dokles, ndërkohë kjo është bërë në bazë të një shorti të hedhur në Gjykatën e Apelit.
Lirimi nga burgu i Endrit Dokles, ka ngjallur mjaft reagime dhe polemika duke qenë se ishte dënuar me burgim të përjetshëm.
Kujtojmë se Dokle është një nga anëtarët e bandës së Durrësit I cili është liruar me vendim gjykate nga gjyqtarja e shkallës së parë Enkeleda Hoxha.
Prokuroria ka kërkuar kthimin e tij në burg, pasi dënimi i përjetshëm i ishte konvertuar në 25 vite burg, dhe pas qëndrimit të 3/4 të dënimit pas hekurave ai është liruar.
Pas lirimit nga burgu ish-kreut të bandës i është siguruar edhe një kontratë punësimi.
Sipas verdiktit të gjyqtares Enkeleda Hoxha, gjatë qëndrimit në qeli që prej vitit 2005, Endrit Dokle është penduar dhe ka reflektuar thellë. Pranimi i lirimit me kusht të Dokles është bazuar në raportin vlerësues të Drejtorisë së Burgut Fushë-Krujë, për sjelljen e tij në qeli, si edhe në raportin e Zyrës së Shërbimit të Provës Krujë.
Edhe nga Zyra e Shërbimit të Provës ka rekomanduar nxjerrjen nga qelia të të dënuarit me burgim të përjetshëm.