Prokuroria e Apelit ka kërkuar rikthimin në burg për ish-kreun e Bandës së Durrësit, Lulzim Berisha.
Sot, Prokuroria e Apelit Durrës ka dorëzuar rekurs në Gjykatën e Lartë kundër vendimit të Gjykatës së Apelit Durrës, e cila vendosi lirim me kusht për të dënuarin Lulzim Berisha.
Prokuroria argumenton se nuk legjitimohet vendimi i lirimit me kusht për shkak të natyrës së veprave të rënda penale; për shkak të uljes së pajustifikuar të kohës së denimit nga gjykatat për të dënuarin e burgosur për vepra të rënda penale; si edhe për shkak të llogarive jo të sakta për kohën e burgimit.
