Në Kurbin nisur ceremonia e përbashkët mes kryeministrit Edi Rama dhe presidentit turk Rejep Tajip Erdogan, ku do të dhurohen çelësat e shtëpive që janë ndërtuar nga Turqia.
Kryebashkiakja e Kurbinit Majlinda Cara ka falënderuar Presidentin e Turqisë Recep Tayyip Erdogan, i cili do t’u dorëzojë vetë banorëve të Laçit çelësat e shtëpive të reja të ndërtuara si dhuratë nga qeveria turke pas tërmetit të 26 nëntorit 2019.
Ndërkohë që vetë Cara është përlotur nga fjalët e kryeparlamentares Nikolla. Kjo e fundit e përgëzoi kryebashkiaken për punën e saj, edhe pse ishte nënë e një fëmije të vogël, dhe zbuloi edhe gjestin e saj.
“Ka bërë detyrën, por e ka bërë mirë. Edhe ajo humbi shpinë e saj, por ndryshe nga nënat e tjera që humbën shtëpinë, i duhej t’ia sillnin foshnjën aty ku po punonte për ta ushqyer me gji që të vijonte punën deri në orët e vona të natës. Dhe kur u hodh shorti dhe e pyes kush e tërhoqi për familjen tënde, më tha jo, unë do jem e undit, familja ime do jetë e fundit dhe do pres projektin tjetër”, tha Nikolla.
