Kaq e dëshpëruar nuk na është shfaqur asnjëherë Lindita Nikolla. As kur dhjetra studentë qanin në tetor se kishin humbur mundësinë për t’u shkolluar për faj të ministrisë që ajo drejton. Por, dje ishte shumë e dëshpëruar, sepse i kishte shpëtuar në nerva e sipër, një fjalor i papërshtatshëm në foltoren e Kuvendit. Për këtë ajo kërkoi ndjesë publike dhe u zotua se nuk do ta përsërisë më.
Duket në këtë fotografi dëshpërimi i saj, por pse janë shoqet?! Ja për këto ditë të vështira. Ato e rrethojnë Linditën dhe i thonë se nuk kishte ndodhur ndonjë gjë e madhe… pastaj nis e përmirësohet situata, se rradhët e qeverisë janë shtuar me ministresha të reja. Qeveria është plotësuar me dy ministre të reja. Për këtë, Lindita dhe shoqet e saj, e reflektojnë gëzimin në oborrin e Parlamentit… ja sa bukur!
