Sot shënohet 32-vjetori i themelimit të Partisë Demokratike. Një pjesë e të djathtëve janë mbledhur në ambientet e një hoteli për të kujtuar ditën e veçantë për ta. Ndërkohë ish-kryetari i PD Lulzim Basha nuk ishte i pranishëm, pasi aktualisht ndodhet në Shtetet e Bashkuara të Amerikës.
Me anë të një mesazhi në rrjetet sociale, ai shprehet se PD ka lindur europiane dhe do të mbetet e tillë.
Reagimi i Bashës:
Partia Demokratike ka lindur e re dhe do të mbetet e re, ka lindur europiane dhe do të mbetet europiane, ka lindur kombëtare dhe do të mbetet kombëtare, ka lindur mes sakrificash, e mbi sakrificat do të ngrihet më e fortë, ka lindur si shpresë e shqiptarëve për ndryshim dhe do të jetë sërish shpresa e tyre, ka lindur e madhe dhe do të bëhet edhe më e madhe, për Shqipërinë, për demokracinë.
Gëzuar 32 vjetorin e themelimit të Partisë Demokratike! Zoti i bekoftë shqiptarët dhe Shqipërinë
