SPAK ka goditur brenda pak muajsh dy grupe kriminale ku kanë rezultuar të përfshirë edhe zyrtarë apo ish-zyrtarë të Policisë së Shtetit.
Operacionet e SPAK kanë ardhur pas çkodimeve të bisedave përmes aplikacionit “SKY”, ndërkohë që priten të tjera goditje, bazuar në hetimet që po zhvillohen.
Ekspertë të ndryshëm të sigurisë kanë paralajmëruar se janë nën hetim mbi 50 efektivë të Policisë së Shtetit, me pozicione të ndryshme, të cilët dyshohet se me informacionet e tyre kanë ndihmuar grupet kriminale, kryesisht ato që veprojnë në trafikun e drogës, me informacione, apo që i kanë shërbyer njërit grup në përplasjen me grupet e tjera.
E ndërsa BKH vijon vetime dhe verifikime bazuar në informacionet që vijnë në Shqipëri nga shërbimet partnere të sigurisë, eksperti i Kriminalistikës, Artan Rexhepi, në një intervistë për Euronews Albania shprehet se nuk është i çuditur aspak nga implikimet e drejtuesve të policisë.
Ai shprehet se organizatat kriminale kanë lidhje shumë të forta me strukturat e Policisë së Shtetit, në mënyrë që të realizojnë me sukses aktivitetin e tyre.
Në këtë kuadër ai shprehet se për të shkarkuar ngarkesa me 600 kilogramë drogë, lihet një person peng te grupet kriminale dhe nëse gjërat nuk shkojnë sipas planit, ai eleminohet.
“Një shef komisariati me 100 mijë euro, zotëri çfarë të ardhurash ke, me çfarë merresh? E mbani mend makinën që u kap me drogë, doli droga, ia vodhën në rrugës dhe nuk pati të ndaluar? Si u vidhka 100 kile drogë? Si të më çudisë mua ky SKY? Si iu vidhka droga makinës së shoqëruar me oficerë?
Dini të jetë ndaluar ndonjë apo të jetë kërkuar ku vajti? Janë 4 milionë euro pasuri që u vodhën. Ka burrë t’i dalë policisë pa bashkëpunim? Po ka njeri që të shkarkojë 600 kile drogë pa i lidhur strukturat më të larta të shtetit dhe pa pas kanale gati? Lihet personi peng atje, i gjallë, fizik dhe po dështoi eleminohet. Po si mund të kalohen 600 kile pa e asfaltuar rrugën deri në nivele që s’ta merr mendja”, është shprehur Rexhepi.
Deri më tani, si rezultat i çkodimit të aplikacionit “SKY” apo dëshmive të dhëna nga të penduarit e drejtësisë janë zbuluar disa zyrtarë apo ish-zyrtarë të Policisë, të cilët janë arrestuar me urdhër të SPAK, si të lidhur me krimin apo grupet kriminale.
Ministri i Brendshëm ka nxituar ta konsiderojë si një “proces vetëpastrimi të rradhëve të Policisë”, edhe pse gjithçka duket se nuk është meritë e strukturave që monitorojnë punën e uniformave blu, por e të dhënave që dorëzohen nga shërbimet partnere, kryesisht ato franceze, lidhur me bisedat në “SKY”.
Së fundmi pritet që çdo punonjës policie të plotësojë një formular ku do të pyetet nëse ka përdorur një aplikacion të tillë ose jo, që duket një nismë e cila mund ti paraprijë njollosjes së strukturës policore.
SPAK ka goditur brenda pak muajsh dy grupe kriminale ku kanë rezultuar të përfshirë edhe zyrtarë apo ish-zyrtarë të Policisë së Shtetit.
Operacionet e SPAK kanë ardhur pas çkodimeve të bisedave përmes aplikacionit “SKY”, ndërkohë që priten të tjera goditje, bazuar në hetimet që po zhvillohen.
Ekspertë të ndryshëm të sigurisë kanë paralajmëruar se janë nën hetim mbi 50 efektivë të Policisë së Shtetit, me pozicione të ndryshme, të cilët dyshohet se me informacionet e tyre kanë ndihmuar grupet kriminale, kryesisht ato që veprojnë në trafikun e drogës, me informacione, apo që i kanë shërbyer njërit grup në përplasjen me grupet e tjera.
E ndërsa BKH vijon vetime dhe verifikime bazuar në informacionet që vijnë në Shqipëri nga shërbimet partnere të sigurisë, eksperti i Kriminalistikës, Artan Rexhepi, në një intervistë për Euronews Albania shprehet se nuk është i çuditur aspak nga implikimet e drejtuesve të policisë.
Ai shprehet se organizatat kriminale kanë lidhje shumë të forta me strukturat e Policisë së Shtetit, në mënyrë që të realizojnë me sukses aktivitetin e tyre.
Në këtë kuadër ai shprehet se për të shkarkuar ngarkesa me 600 kilogramë drogë, lihet një person peng te grupet kriminale dhe nëse gjërat nuk shkojnë sipas planit, ai eleminohet.
“Një shef komisariati me 100 mijë euro, zotëri çfarë të ardhurash ke, me çfarë merresh? E mbani mend makinën që u kap me drogë, doli droga, ia vodhën në rrugës dhe nuk pati të ndaluar? Si u vidhka 100 kile drogë? Si të më çudisë mua ky SKY? Si iu vidhka droga makinës së shoqëruar me oficerë?
Dini të jetë ndaluar ndonjë apo të jetë kërkuar ku vajti? Janë 4 milionë euro pasuri që u vodhën. Ka burrë t’i dalë policisë pa bashkëpunim? Po ka njeri që të shkarkojë 600 kile drogë pa i lidhur strukturat më të larta të shtetit dhe pa pas kanale gati? Lihet personi peng atje, i gjallë, fizik dhe po dështoi eleminohet. Po si mund të kalohen 600 kile pa e asfaltuar rrugën deri në nivele që s’ta merr mendja”, është shprehur Rexhepi.
Deri më tani, si rezultat i çkodimit të aplikacionit “SKY” apo dëshmive të dhëna nga të penduarit e drejtësisë janë zbuluar disa zyrtarë apo ish-zyrtarë të Policisë, të cilët janë arrestuar me urdhër të SPAK, si të lidhur me krimin apo grupet kriminale.
Ministri i Brendshëm ka nxituar ta konsiderojë si një “proces vetëpastrimi të rradhëve të Policisë”, edhe pse gjithçka duket se nuk është meritë e strukturave që monitorojnë punën e uniformave blu, por e të dhënave që dorëzohen nga shërbimet partnere, kryesisht ato franceze, lidhur me bisedat në “SKY”.
Së fundmi pritet që çdo punonjës policie të plotësojë një formular ku do të pyetet nëse ka përdorur një aplikacion të tillë ose jo, që duket një nismë e cila mund ti paraprijë njollosjes së strukturës policore.
