Lidhi qenin pas makinës dhe e tërhoqi zvarrë, arrestohet keqtrajtuesi (Emri)
Policia e Vlorës ka bërë të mundur identifikimin dhe arrestimin e autorit që tërhoqi zvarrë me makinë një qen.
Mësohet se keqtrajtuesi ishte Shpëtim Hajrulla. Hajrulla është paraqitur në komisariatin e Vlorës ku po bëhen veprimet e mëtejshme procedurale.
Ndërsa kujtojmë se ky nuk është i vetmi rast ku kafshët shtëpiake merren zvarrë me makinë nga individë të papërgjegjshëm.
Sipas ligjit në fuqi këto akte dënohen. Vrasja e kafshës së shoqërimit dënohet me gjobë ose me burgim deri në 6 muaj.
