Të lexosh për fëmijët është një nga aktivitetet më të preferuara të prindërve. Është një mundësi për të bërë një hap drejt një bote plot magji. Ja cilat janë disa nga librat që rekomandohen.
“Piter Pan” nga J.M. Barrie – një libër i mrekullueshëm për t’u lexuar me fëmijët ku të dyja palët do të shohin gjëra krejt të ndryshme. Fëmijët do të kënaqen me aventurat ndërsa të rriturit do të kuptojnë si është të ndihesh fëmijë përsëri.
“Pipi Çorapegjata” nga Astrid Lindgren – nga 6 në 86 vjeç, të gjithë e duan këtë libër. Tek e lexoni do të rrethoheni me optimizëm dhe gëzim.
“Përralla” nga Hans Christian Andersen – është e vështirë të imagjinohet një fëmijëri pa përrallat e Andersenit, një botë ku realiteti dhe imagjinata ndërthuren mjaft bukur me njëra-tjetrën.
“Libri i Xhunglës” nga Rudyard Kipling – një libër i mrekullueshëm që do t’ju çojë ju dhe fëmijët tuaj në vende plot gjelbërim ku kafshët që si kishit imagjinuar më parë do të kthehen në miqtë e çdo mbrëmje.
“Meri Popins” nga Pamela Lyndon Travers – një libër që fëmijët do e duan që të vegjël dhe do e kërkojnë ta lexojnë përsëri në të ardhmen. Një libër që do ju mësojë se jemi ne ata që e krijojmë realitetin tonë dhe se mund t’i mbushim jetët tona me mrekulli në bazë të zgjedhjeve që bëjmë.
