Nje 35-vjeçar nga Lezha ka tentuar të hidhet nga një vinç në qendër të Tiranës pasditen e kësaj të hëne.
Pasi qëndroi rreth një orë në vinç, Sajmir Zalli vendosi të zbresë. Ai ka rrëfyer se shkak për këtë veprim ekstrem është fakti se ish-gruaja nuk e linte të takonte dy fëmijët e tij.
35-vjeçari është divorcuar nga ish-bashkëshortja në vitin 2014, ndërsa ka kërkuar në komisariat që t’i çojnë pranë edhe fëmijët.
Nga ana tjetër ish-bashkëshortja e tij e kontaktuar nga policia thotë se me vendim gjykata ja ka lënë asaj kujdestarinë e fëmijëve, por ajo nuk e ka penguar Sajmir Zallin t’i takonte ata. Sipas saj ai kishte një sjellje jo të pëlqyeshme pasi shpesh herë konsumonte alkool.
