Spitali Rajonal i Lezhës informon qytetarët se nuk konfirmohen raste të reja me koronavirus.
Në njoftimin e spitalit thuhet se janë shëruar 3 persona që ishin me Covid-19, mes tyre edhe kryeinfermierja e sanitarja.
Postimi i Spitalit Rajonal të Lezhës:
Lajm i mirë
Testimet e ditëve të fundit konfirmojnë shërimin e 3 rasteve të para të prekura nga COVID-19 në Lezhë. Mes tyre edhe infermierja dhe punonjësja e shërbimit mjedisor të spitalit tonë.
Nuk konfirmohen raste të reja në testimet e realizuara.
Duke falenderuar qytetarët për bashkëpunimin e deritanishëm, bëjmë thirrje të vazhdojmë të respektojmë me përpikmëri rekomandimet mjekësore si dhe zbatimin korrekt të masave të ndërmarra për distancimin social.
Me përgjegjësi dhe solidaritet së bashku drejt fitores!
