Digjen në mënyrë të mistershme dy makina të parkuara pranë njëra tjetrës, ku njëra prej mjeteve rezulton në përdorim nga kryebashkiaku i Lezhës, Fran Frrokaj.
Në vendin e ngjarjes kanë shkuar shërbimet e policisë dhe të zjarrfikëses të cilët kanë ndërhyre menjëherë duke fikur zjarrin.
Nga veprimet e para hetimore, rezulton se janë përfshirë nga flakët dy automjete të parkuara afër njëra- tjetrës.
Sipas informacionve paraprake bëhet me dije se janë djeguar: automjeti tip “Mercedes Fuoristradë ML” me targë AA 400 JK në pronësi të shtetases Sh.P. dhe në përdorim nga kryetari i Bashkisë Lezhë Fran Frrokaj, si dhe mjeti tip “Mercedes Benz” me targë LE 7495 E në pronësi të shtetasit K.Ll.
Grupi hetimor po bën këqyrjen e kamerave përgjatë rrugës si dhe po merr deklarimet e pronarëve të mjeteve, të cilat nuk bëhen ende të ditura.
