Gjykata e Lezhës ka dhënë sot masën e sigurisë për motër e vëlla nga Vlora, të cilët u kapën me tre bomba me telekomandë tre ditë më parë në Lezhë.
Gjykata ka vendosur sot të lërë në burg vëllain Armand Lukani 23-vjeç, me akuzën “Mbajtje pa leje të armëve shpërthyese” dhe të lërë të lirë nën masën “arrest shtëpie” motrën e tij Amelda Elezi 21-vjeç.
Familjarët e tyre të pranishëm në sallën e gjyqit kanë deklaruar se vëlla e motër nuk kanë lidhje me bombat me telekomandë dhe se jetojnë në kushte të vështira ekonomike.
