Në Lezhë, gjatë ditëve të fundit janë djegur mbi 10 kontenierë mbeturinash, një fenomen që po kthehet në një problem shqetësues për autoritetet e pushtetit lokal.
Kontenierët janë djegur kryesisht në fshatra nga persona që ende nuk janë identifikuar. Fenomeni bëhet i ditur nga Drejtori i Shërbimeve Publike në Bashkinë Lezhës, Ndue Lushi që vë në dukje se dëmtimi i konteniereve sjell kosto financiare për Bashkinë.
“Persona të papërgjegjshëm po djegin vazhdimisht kontenierët e mbeturinave. Është një kosto shumë e madhe për firmën e pastrimit dhe për Bashkinë. U bëj thirrje qytetarëve që në koshat e mbeturinave të hedhin vetëm mbetjet e riciklueshme” – tha Lushi.
Lushi ka paralajmëruar të gjithë qytetaret që dëmtojne kontenieret dhe i hedhin mbeturinat jashtë tyre se do të përballen me masa ndëshkimore.
