Pianisti Genc Tukiçi ka shkruar një letër të hapur nw faqen e tij në facebook ku denoncon vendimin arbitrar të pushimit nga puna në RTSH të vëllait të tij kompozitorit të famshëm David Tukiçi.
“Të dashtun miq
Do të doja të ndaj me ju indinjatën lidhur me vendimin e Drejtorisë së përgjithshme të Radio Televizionit Shqiptar për pushimin nga puna , pa asnjë motiv, të vëllait tim David Tukiçi.
Dua tju shkruaj me rrealizëm dhe sinqeritet për Davidin , jo si vëllai im, por për Davidin si një muzikant me shumë vlera , si figurë artistike e Kombit Shqiptar, duke ruajtur edukatën dhe modestinë që prinderit tanë na kanë mësuar.
Në rastin më të mirë , vendimi i drejtorisë së RTSH , me duket i pashpjegueshëm dhe në rastin më të keq , do ta konsideroja amatoresk, dashakeq, pse jo …edhe injorant….
Davidi punon në RTSH që nga viti 1983 , duke kontribuar me punën e tij krijuese në të gjitha zhanrët ….ka kompozuar opera , simfoni, dhe shumë vepra vokale dhe instrumentale , të interpretuara në Shqipëri dhe nëpër botë…12 vjeç, fitues si këngëtar i çmimit të parë i festivalit të RTSH dhe më pas si kompozitor më këngët “Mire se vjen dit’ e ré” , Sagapo të dua” etj…mbas disa vitesh në Itali , ku me dekret të Presidentit të Italise i akordohet Qytetaria e Nderit( me motivacion,për kontributin që Davidi ka dhënë me krijimtarinë e tij , për rrezatimin e kulturës dhe muzikës nëpër botë.) ai rikthehet në Shqipëri , në RTSH, ku ai ka vazhduar të punojë i palodhur… po ,i palodhur , ktë gja të gjithë e dinë …që nga polici i radios deri tek muzikantët …modest dhe i ndershëm …motoja e tij, pasioni për punën,krijimtarija muzikore, rrespekti për të tjerët……i dipllomuar në Paris në një nga shkollat më të mira në planet…ai nuk i njeh fjalët ” i paarritshmi “, “gjigandi”…që rendom i akordohet shumë muzikantëve në Shqipëri…
Davidi, që njeh shkëlqyshëm zanatin e tij, me CV-në që ka , do të punësohej nga çdo institucion artistik kudo në botë, 4 vjet para se ai të mbushte moshën e pensionit, pushohet nga puna nga Drejtoria e RTSH, intitucion ku ai është rritur, ka kontribuar dhe ….pushuar!!!
Davidi, me zotnillekun e tij nuk do të më lejonte të shkruaj këto rreshta …por unë mendoj që rasti i Davidit duhet të shërbejë si shembull në pejsazhin e kulturës dhe muzikës shqiptare ku siç thojnë në Shkodër, mos të këtë ma lojë rrenash..,
Të dashtun miq….kërkoj nga ju jo vetëm mbështetjen morale por edhe reale , që Davidi të mund të punojë në zanatin e tij….do të shihni se ai , kudo që punon , nderon vehten dhe të tjerët…
Juaji Genc Tukiçi”
