Unë jam Eda, banuese e fshatit Ferras, Sektor Gradisht, Bashkia Divjakë. Kam një fermë blegtorale prej më shumë se pesëdhjetë krerë lopë.
Ministria e Bujqësisë mesa po shohim nuk është ministri bujqësie për fermerët, por është ministri sekserësh, ku dorazi mbështet individë që nuk ia kanë haberin bujqesisë. Kam tre vjet që kam dorëzuar dosjen e aplikimit për marrjen e tokave me qira, të cilat i kam disponuar prej 24 vjetësh. Por, prej dy vjetësh më dhunojnë psiqikisht në emër të Edmond Panaritit dhe prej dy ditësh ka patur përplasje fizike, ndërsa forcërisht duan të m’i marrin këto toka që janë vazhdimësi për punën qe kemi ngritur me djersë sot e 24 vjet me radhë.
Zoti Edmond Panariti qenka e veshtirë për fermerët, për mua personalisht të mundësoni një takim dhe t’i jepni drejtim konflikteve që më keni shkaktuar?
Denoncoj publikisht të fortët e horrat që ke prurë të flasin në emrin tënd. Ta dish që me emrin, punën, djersën e familjes time po të them vetëm të vdekur si familje do na e merrni apo nëpërkëmbëni! Duam punë me djersën, të drejtën tonë!
Ministria e Bujqësisë duhet t’u përkasë së pari fermerëve dhe jo individëve sekserë
Faleminderit, #Nisme, Edmira Toska.
