Meta: Ramë dakord që të mblidhet Këshilli i Rregullores dhe Mandateve për të gjetur rrugën më të drejtë
Deputetja socialiste, Valentina Leskaj, kërkoi të hidhet sot në votim kërkesa për të dërguar çështjen e mandatit të saj në Gjykatën Kushtetuese. Për këtë deklaratë, Berisha tha se deputetja bëri detyrën e saj dhe ka kërkuar që kjo kërkesë të hidhet në votë, pasi të mblidhej Këshilli i Mandateve.
Kryetari i Kuvendit, Ilir Meta tha se është rënë dakord që të mblidhet Këshilli i Rregullores dhe Mandateve për të diskutuar kërkesat e dy deputetëve dhe atë të opozitës. “Pas Konferencës së Kryetarëve jam njohur me kërkesën me shkrim të zotit. Suli që e kërkon këtë gjë. Kemi diskutuar për rastin e zonjës Leskaj. Kemi rënë dakord për të mbledhur Këshillin e Rregulloreve dhe Mandateve për të gjetur rrugën më të drejtë për t’i dërguar këto çështje në Gjykatën Kushtetuese”, tha Meta.
