Gjykata e Lartë ka vendosur arrest me burg për kryeinspektorin e IMT-së në Himarë, Melseid Nelaj i cili ka lejuar ndërtimet pa leje në bregdet. Kujtojmë se ai u arrestua pak javë më parë bashkë me disa punonjës të tjerë, por gjykata e Apelit vendosi arrest shtëpie për të, por sot Gjykata e Lartë ka rrëzuar këtë vendim dhe 37-vjeçari do të shkojë në burg.
“Gjykata e Lartë ka vendosur prishjen e Vendimit datë 28.07.2021, të Gjykatës së Apelit Vlorë, e cila kishte vendosur masën “Detyrim paraqitje”, dhe lënien në fuqi të vendimit të Gjykatës së Shkallës së Parë Vlorë, datë 14.07.2021”, e cila ka caktuar për këtë shtetas masën e sigurisë “Arrest në burg”, për veprën penale “Shpërdorimi i detyrës”, thuhet në vendim. Sakaq, bëhet me dije se hetimet vazhdojnë për këtë çështje, pasi do të vihen para drejtësisë edhe punonjës të tjerë që kanë qenë përgjegjës për këtë abuzim që është bërë me tokat në bregdet
