Ndonëse qeveria u kishte prmtuar banesë që pas tërmetit të qershorit, 9 anëtarët e familjes Xhihani në Vidohovë të Devollit dimri i gjeti në çadër në oborrin e shtëpisë së shkatërruar.
Kryefamiljari i moshuar me lot në sy thotë se premtimi ndaj tyre nuk u mbajt.
“Këto 6 muaj, asgjë për mua nuk është lidhur. Asnjëri nuk pyet se ku jam.”
Jetesa në çadër thonë se ka qenë e vështirë prej fillimit, ndërsa tashmë është bërë gati e pamundur për shkak të temperaturave që në juglindje natën bien nën zero.
Situata në të cilën kanë mbetur i ka bërë edhe dyshues për selektivitet në përzgjedhjen e radhës për rindërtimin apo rikonstruksionin e shtëpive.
“Atje kanë vënë dorë, mua nuk e di. Nuk e analizoj dot, unë as kam vrarë as kam prerë. Le të vijnë festat, unë nuk i gëzoj dot”
Mbi 100 shtëpi u shemben nga tërmeti i 1 qershorit në Korçë dhe mbi 500 të tjera u dëmtuan. 7 muaj pas asaj kohë dhjetëra familje mbeten pa çati ndërsa qindra të tjera presin kompensimi e premtuar.
