Ministrja Bora Muzhaqi është vënë shpesh herë në qendër të vëmendjes në media për shkak të gafave që ajo bën në deklaratat e saj publike. Pothuajse çdo dalje e saj në media kthehet në meme, për shkak se ndjekësve nuk iu shpëton edhe lapsusi më i vogël i saj. Për herë të para ministrja ka komentuar këtë çështje në një interviste televizive. Ajo shprehet se ato janë lapsuse pasi nuk ka pasur më parë eksperienca për të folurin në publik. Ndërsa tha se edhe vet qesh ndonjëherë me videot që bëhen virale, Bora Muzhaqi u shpreh se me kalimin e kohës edhe ajo do të mësojë nga gabimet.
“Për të qenë e sinqertë edhe gazetarët edhe ata që komentojnë në rrjetet sociale i kuptoj, ndonjëherë është për të qeshur, edhe mua më vjen për të qeshur kur i dëgjoj ato lapsuset që mund të kem bërë më përpara. Unë nuk kam pasur eksperiencë më përpara që më është dashur ta prezantoj veten time në aspektin mediatik, kjo është eksperiencë që fitohet me kohën dhe duke qenë se nuk e kam pasur, ndonjëherë përpiqem as fort kur më vijën ato gazetarët me mikrofonin përpara që të mos bëj gabime sa përfundoj duke bërë gabime. Siç themi dhe ne shqip sa të rrosh do mësosh, shpresoj që do ta marr atë eksperiencën. Nëse duhet t’iu them një fjali një gjë është e sigurt bëj lapsuse e gafe në televizione por në punë time nuk bëj as lapsuse as gafa”, tha Muzhaqi.
Kujtojmë se gafa më e fundit që qarkullon në media nga ministrja është kur gjatë një deklarate, ku dielli ishte shume i fortë ajo tha: Ju kërkoj ndjesë për diellin e tepruar. Kaq mjaftoi dhe në pak minuta video bëri xhiron e rrjetit.
