Një shtyllë e tensionit të lartë është anuar e gjitha në rrugën “Gjergji Legisi”, në Laprakë, duke rrezikuar të bjeri.
Sipas qytetarëve animi i shtyllës ka ardhur si pasojë e përplasjes së një kamioni me të ditën e sotme, ndërsa shtojnë se ndonëse është lajmëruar policia, nuk ka ende asnjë ndërhyrje.
Siç mund ta shikoni edhe nga foto, shtylla është e gjitha e anuar, ndërsa rrezikun për rënien e saj e shtojnë edhe kushtet e motit, pasi ka edhe prani të erës së fortë.
Familjet që banojnë në këtë rrugë shprehen të frikësuar nga pasojat që mund të sjellë rrëzimi i telave të shtyllës së tensionit të lartë.
