Një ngjarje e rëndë ka ndodhur në Greqi, ku një foshnjëe 15 muajshe ka ndërruar jetë. Mendohet se nëna e të miturës dhe gjyshja e saj, e lanë foshnjën me ujë të nxehtë duke i shkaktuar edhe vdekjen.
Mediat greke shkruajnë se nëna dhe gjyshja e foshnjës e kanë larë vogëlushen tre ditë më parë, por duke përdorur ujë të nxehtë dhe i kanë shkaktuar djegie të rënda që i kanë shkaktuar edhe vdekjen.
Pasi gjendja e foshnjës u përkeqësua, të dyja çuan në spital fëmijën, por pavarësisht tentativave për ta sjellë në jetë, mjekët dështuan.
Si nëna ashtu dhe gjyshja janë arrestuar pasi akuzohen për neglizhencë ndaj një të miture.
