Arkeologët kanë deklaruar se në vendin, ku Bashkia e Vlorës do të ndërtohet Landfill-i në, gjenden mbetje arkeologjike mijëra vjeçare.
Arkeologu, Novruz Bajramaj ngre shqetësimin për vendin ku do të ndërtohet ky impiant gjigand, pasi në këtë vend gjenden mbetje arkeologjike mijëra vjeçare, të cilat tregojnë se në këtë zonë ka pasur qytetërim të lashtë prehistorik.
Bajramaj kërkon ndërhyrjen e institucioneve për të dërguar ekspedita dhe specialistë për studimin e kësaj zone, pasi në afërsi të saj gjendet fshati Kaninë, i cili ka një histori 3 mijë vjeçare. Në këtë zonë ka mbi 30 objekte, monumet kulture.
“Në të gjithë territorin gjenden gjurmë që sipas analizave të bëra tregon se ky vend ka qenë i banuar 60 mijë vite përpara, një vazhdimësi jete dhe do të jetë një fatkeqësi që këto të gjurmë të groposen së bashku me mbeturinat”, tha Bajramaj.
Shqetësimi është dërguar dhe Këshillit të Qarkut të Vlorës për rishikim e ndërtimit të landfillit.
