Aktorja Hajrie Rondo është përcjellë për në banesën e fundit këtë të dielë.
Ajo u nda nga jeta një ditë më parë në moshën 66-vjeçare, pas një lufte të mundimshme me kancerin.
Homazhet në nder të saj janë mbajtur në banesën në Himarë, në vendlindjen e bashkëshortit të saj, në një ceremoni familjare.
E njohur nga të gjithë si Tana te “14 vjeç dhëndër”, Rondo nda nga jeta duke lënë pas një karrierë të pasur, me 100 role në skenë dhe 20 role të tjera në kinema e televizion.
Dalja e saj e fundit në skenë ishte rreth një vit më parë në dramën “Tre dhëndurët”.
